هجرتك

كتبهاخالد ، في 10 مايو 2007 الساعة: 23:51 م

هجرتك يمكن انسى هواك واودع قلبك القاسى
وقلت اقدر فى يوم اسلاك وافضى م الهوى كاسى
لقيت روحى فى عز جفاك بافكر فيك وانا ناسى
غصبت روحى على الهجران وانت هواك يجرى ف دمى
وفضلت افكر فى النسيان لما بقى النسيان همى
لو خطر حبك فى بالى والا زار طيفك خيالى
حاولت اهرب م الافكار اللى تشعلل نار حبى
وفضلت وانا بالى محتار فى الحب بين عقلى وقلبى
صعبان على جفاك بعد اللى شفته فى حبك
مش قادر انسى رضاك ايام ودادك وقربك
لكن اعمل ايه وانا قلبى لسه صعبان عليه
صعبان عليه انه اتمنى جنة قربك
ونال مراده واتهنى بنعيم حبك
ورجعت تسقيه من صدك كاس الهجران
وتفوت عليه ايام بعدك سهد وحرمان
ياما حاولت انساك وانسى ليالى هواك
وانسى الجمال اللى شفته فى الوجود وياك
حرمت روحى من كل نسمة كانت بتسرى بينك وبينى
وحرمت روحى من كل نعمة كانت بتحلى وياك فى عينى
وقلت اعيش من ذكرى تخلى قلبى يحن اليك
مافضلش عندى ولا فكرة غير انى انسى افكر فيك
وصبحت بين عقلى وقلبى تايه حيران
اقول لروحى من غلبى انسى النسيان

رائعة احمد رامى
هجرتك

أضف الى مفضلتك